Што е ПроКредит бизнис академија?
ПроКредит бизнис академијата е проект со кој ПроКредит Банка овозможува нефинансиска поддршка на локалните бизниси преку бесплатна професионална едукација за сопствениците/управителите на мали и микро претпријатија коишто имаат амбиција за раст и развој.
Препознавајќи го потенцијалот на малите претпријатија, со оваа академија сакаме да ги поддржиме храбрите претприемачи на коишто им е потребен пристап до знаење и практични совети за да го направат следниот голем чекор.
Академијата е креирана за градење клучни претприемачки вештини и се состои од пет модули: Разбирање на финансиски концепти; Продажба за мали бизниси; Развивање на комуникациски вештини и когнитивни рамки; Интерно претприемништво и Дигитална трансформација. Модулите ќе се реализираат во соработка со врвни експерти и консултанти кои имаат долгогодишно искуство во работа со мали претпријатија за подобрување и унапредување на нивниот бизнис преку надминување на предизвиците со кои се соочуваат.
Учеството на Бизнис академијата е без финансиски надомест, како дел од континуираната инвестиција на ПроКредит Банка за градење вештини и капацитети кај локалните претприемачи. Сите заинтересирани можат да аплицираат до 30 март 2025, а потоа во процесот на селекција ќе се одберат 90 учесници кои ќе се приклучат на првата ПроКредит бизнис академија.
Што сѐ ти нуди оваа бизнис академија?
Практична и професионална едукација без финансиски надомест
Пристап до интерактивни работилници предводени од искусни професионалци. Структурата на едукацијата е базирана на искуствено учење, односно, трансформирање на практични искуства во ефективно и корисно знаење. Проектот е целосно финансиран од ПроКредит Банка и сите учесници можат да се вклучат без финансиски надомест.
Вмрежување и консултантска поддршка
Можност да воспоставиш плодна комуникација и размена на знаења со други сопственици на мали бизниси, како потенцијал за стекнување нови партнерства, соработки и нови можности. Ќе имаш пристап до експерти, ментори и консултанти кои ќе ти овозможат поддршка и советување за развој на твојот бизнис.
Дополнителна финансиска едукација
Работилниците ќе ти помогнат да носиш информирани одлуки за управување со тековните средства и да правиш стратегии за инвестирање. Дополнително, ќе добиеш практични алатки и шаблони за финансиско планирање, што ќе ти помогне да го подобриш управувањето со ресурсите.
Модули
Академијата ќе се реализира во периодот април – октомври 2025 година преку пет модули, а секој модул ќе трае еден работен ден во месецот.
Модулите ќе се одржат во просториите на Управната зграда на ПроКредит Банка во Скопје. По завршувањето на академијата сите учесници ќе добијат сертификат.
Запознај се со темите кои ќе се обработуваат во рамки на секој модул.
-
Модул 1Интерно претприемништво
Принципи на интерно претприемништво: Поттикнување на претприемачки начин на размислување во вашата компанија.
Техники за генерирање идеи: Методи за генерирање иновативни идеи кои можат да го поттикнат развојот на бизнисот.
Создавање вредност: Како да се идентификуваат можностите за раст и да се развијат решенија кои создаваат вредност за клиентите и организацијата.
Управување со ризик: Стратегии за проценка и управување со ризиците поврзани со нови иницијативи.
Соработка и тимска динамика: Разбирање на важноста на тимската работа во поттикнувањето на претприемачките напори.
-
Модул 2Комуникациски вештини и “Growth mindset”
Ефективна комуникација: Вербалната, невербалната и писмената комуникација, идентификување бариери и стратегии за нивно надминување.
Активно слушање: Развивање основни вештини за слушање за подобрување на разбирањето и зацврстување на односите со клиентите и членовите на тимот.
Воспоставување менталитет на раст и развој: Истражување на концептите на затворен и унапреден начин на размислување (fixed & growth mindset). Откријте како усвојувањето на менталитет на раст и развој може да го трансформира вашиот пристап кон предизвиците во бизнисот.
Невербални знаци: Важноста на говорот на телото и невербалната комуникација во пренесувањето пораки и градењето на односи.
Градење самодоверба: Техники за подобрување на самодовербата во комуникација, и ефикасно справување со коментари и критики.
-
Модул 3Разбирање на финансиски концепти
Клучни финансиски концепти: Разбирање на приходите, расходите, профитот, готовинскиот тек и анализата на профитабилност.
Финансиски извештаи: Разбирање на Биланс на успех, Биланси на состојба и како да се анализираат ефективно и едноставно.
Управување со готовинскиот тек: Градење стратегии за ефективно управување со готовинскиот тек и разбирање на разликата помеѓу готовинскиот тек и профитот.
Финансиски коефициенти: Клучни финансиски коефициенти и нивното значење во проценката на перформансите на деловното работење.
Анализа на профиталбилност: Разбирање како да се пресмета и примени анализата на профиталбилност за да се дефинираат стратегии за цени и продажба.
-
Модул 4Дигитална трансформација
Разбирање на дигиталната трансформација: Што значи дигиталната трансформација за малите бизниси и нејзината важност денес.
Идентификување можности: Како да ги идентификувате дигиталните можности во рамките на вашите деловни процеси и интеракциите со клиентите.
Дигитални алатки и технологии: Откривање на најновите алатки и технологии кои можат да ја подобрат ефикасноста и соработката со клиентите.
Управување со промени: Разбирање на важноста од поттикнување култура на иновации и приспособливост во тимот .
Фокус на клиентите: Воспоставување култура низ целата организација во чиј центар се клиентите.
-
Модул 5Продажба за мали бизниси
Разбирање на продажбата: Разбирање на важноста на проактивните продажни напори и добро дефиниран процес на продажба.
Структурата на процесот на продажба: Дефинирање едноставна, а сепак ефективна структура на процесот на продажба за мали бизниси.
Создавање на процес на продажба: три чекори на продажба што резонираат со потенцијалните клиенти на мали бизниси.
Моќна продажна приказна: Создавање концепт за изготвување успешна приказна за продажба.
Предавачи
Гојко Родиќ
Сандра Савановиќ-Стевановиќ
Лариса Спурен-Сариќ
Александар Петровиќ
Момир Ѓекиќ
Како да се пријавиш?
ПроКредит Бизнис академијата е наменета за сопственици или управители на микро и мали бизниси развиени во Македонија, со оперативен период од повеќе од 1 година.
Местата за годинешната Бизнис академија се веќе затворени. Следете не’ и бидете во тек со пријавите за второто издание на ПроКредит Бизнис академијата која ќе се реализира во 2026 година.